लेटाङ ४ अशोज । नमुना साकोस लेटाङ ८ को १९ औ साधारण सभावाट कुवेर पौडेल अध्यक्षमा चयन हुनुभएको छ । उक्त सहकारीमा २ कार्यकाल लेखा संयोजक तथा अन्य विभिन्न उपसमितिमा काम गरिसक्नु भएका पौडेल सम्भवत लेटाङ नगरपालिकामा रहेका सहकारी मध्ये सवै भन्दा कान्छो अध्यक्ष भएको अनुमान गरिएको छ । ३२ बर्षकै उमेरमा विभिन्न सामाजिक तथा राजनीतिक नेतृत्व सम्हालि सक्नुभएको पौडेलले नमुना सहकारीको धरातल उकास्न उल्लेख्य मद्धत गर्ने अनुमान गरिन्छ ।

तत्कालिन जाँते गाविसको पहिलो सहकारी संस्थाको रुपमा रहको सो साकोसको शुक्रवार भएकाे साधारण सभावाट उपाध्यक्षमा स्थानिय समाजसेवी लोकबहादुर लिम्बु, सचिव मनोरथ घिमिरे र कोषाध्यक्षमा भिमा रिजाल चयन हुनुभएको छ । सहमतिका आधारमा चयन भएको कार्यसमितिले ४ बर्ष सम्म काम गर्ने छ ।

संस्थाले ७६ लाख ५ हजार ८ सय ४६ रुपैयाको आयव्यय प्रस्तुत गरेको कोषाध्क्षको प्रतिबेदनमा उल्लेख छ । संस्थाले यो वर्ष करिव १४ लाख खुद नाफा समेत गरेको वताईएको छ ।

नवनिर्वाचित अध्यक्ष पौडेलले संस्थावाट आउने सेवा तथा बोनसवाट विद्यार्थीहरुलाई पढाउन खर्च गर्नेे घोषणा गर्नुभएको छ । विपन्न तथा मेहेनती विद्यार्थीहरुको भविष्य निर्माणमा आफ्ना् योगदान रहोस भन्ने उदेश्य सहित पौडेलले लेटाङ ८ मा रहेको जाँते माविमा अध्यय्न गर्ने २ जना विद्याथीलाई पढाउने वताउनुभयो । पौडेलको यस्तो सत्कर्मको चारैतिर प्रसंसा समेत हुन थालेको छ ।