मंसिर २७, २०७५। उदयपुरकी रमिला बस्नेतले मिस प्रदेशको उपाधि जितेकी छिन् । प्रदेश नम्बर १ को शहर धरानमा सम्पन्न यो प्रतियोगितामा चौदण्डीगढी नगरपालिका, बेल्टारकी बस्नेतले मिस प्रदेश–२०१८ को उपाधि जितेकी हुन् । शनिवार राति धरानमा भएको प्रतियोगिता अन्य १२ जना प्रतिस्पर्धीलाई पछि पार्दै बस्नेतले उपाधी जितेकी हुन् ।
पूर्वाञ्चल वागिना कला केन्द्र धरानले आयोजना गरेको प्रतियोगितामा मोरङकी प्रज्ञा गिरी फस्ट रनर्सअप तथा ताप्लेजुङकी निशा गुरुङ सेकेन्ड रनर्सअप घोषित भए ।