लेटाङ ३ मंसिर । लेटाङ नगरपालिका ४ ले बालकेन्द्रमा रहेको सिदार्थ बौद्ध वाल केन्द्र मर्मत सम्भार तथा शैक्षिक सामाग्री खरिद गरि हस्तान्तरण गरिएको छ । लेटाङ नगरपालिका ४ का वडा अध्यक्ष सन्तोष कार्कीको प्रमुख आतिथ्यतामा गरिएको कार्यक्रममा लेटाङ नगरपालिकाका ईन्जीनियर भानु राई , च्यानल एलएमका रविन श्रेष्ठ लगायतको उपस्थिति रहेको थियो ।
लेटाङ नगरपालिका ४ को १ लाख ५० हजार रुपैया सहयोग गरी शैक्षिक सामाग्री तथा भवनको छत निर्माण तथा रंगरोगनको काम भईसकेपछि हस्तान्तरण गरिएको हो । वडा अध्यक्ष सन्तोष कार्कीले शैक्षिक सामाग्री समेत हस्तान्तरण गर्नुभएको थियो । कार्यक्रममा वोल्दै वडा अध्यक्ष कार्कीले शैक्षिक क्षेत्रको विकासका लागि आफ्नो क्षेत्रवाट जस्तो सुकै कार्य गर्नका लागि आफु तयार रहेको वताउदै सवैलाई शिक्षा क्षेत्रमा लगानी गर्न आह्वान गर्नुभयो ।