पाँचथर, असार १५ गते। जिल्ला प्रहरी कार्यालय पाँचथरले “प्रहरी मेरो साथी” कार्यक्रम अन्तर्गत चित्रकला प्रतियोगिताको आयोजना गरेको छ।

जिल्ला प्रहरी कार्यालय पाँचथरको समिक्षा हलमा शुक्रबार सम्पन्न भएको बिधालय स्तरीय खुल्ला चित्रकला प्रतियोगितामा जिल्लाको फिदिम मावि, शुखबोध मावि जोरसाल, कालिका मावि साम्दिन र गढी मावि फिदिममा अध्ययनरत कक्षा ६ देखी कक्षा १० सम्मका १६ जना छात्र-छात्राहरुको सहभातीता रहेको छ।

प्रतियोगितामा सहभागीहरुलाई प्रहरी र जनता बिचको सम्बन्ध, प्रहरीका गतिबिधि, प्रहरीको सचेतनामुलक कार्यक्रमहरु झल्किने खालका चित्रकला बनाउन लगाईएको थियो।

प्रतियोगितामा उत्कृष्ट चित्र बनाउने बिधार्थीलाई पुरस्कार तथा प्रमाणपत्र प्रदान गरिने जिल्ला प्रहरी कार्यालयले जनाएको छ।