प्रशान्त निरौला
लेटाङ, २० वैशाख । लेटाङ नगरपालिका वडा नंम्बर ८ वजारमा भईरहेको कालोपत्रेको लेटाङ नगरपालिकाका प्रमुख शंकर राई सहितको टोलीले अनुगमन गरेको छ ।
लेटाङ नगरपालिकाको ७५ लाख सहयोग तथा स्थानियवासीको ४० प्रतिशत लगानीमा हुदै गरेको परियोजनाको आज अनुगमन गरेका हुन् । लेटाङ नगरपालिकाकाका प्रमुख प्रसासकिय अधिकृत पुण्यप्रसाद पौडेल , नगरपालिकाका ईन्जिनियर भानु राई , ओभरसियर अशेष श्रेष्ठ ,सञ्चारकर्मीहरु लगायतको टोलीले कालोपत्रेको स्थलगत अनुगमन गरेको हो ।

लेटाङ ८ जाँते वजारमा नगरपालिकाको सहयोगमा कालोपत्रेको काम भईरहेको छ । जनताको ४० प्रतिशत सहभागिता रहेको उक्त सडकको कालोपत्रे गर्ने काममा स्थानियवासीले ठुलो सहयोग गरेको सडक निर्माण समितिका अध्यक्ष कुवेर पौडेलले जानकारी दिए ।
असार मसान्त अघिनै परियोजना पुरा गरिनुपर्ने भएकोले चाडै काम सम्पन्न गर्न नगर प्रमुख राईले समितिलाई निर्दैशन दिए । गुणस्तरमा कुनै कम्प्रमाईज नगर्न समेत मेयर राईको निर्दैशन थियो । सडक जस्तो सम्वेदनशिल कुराको निर्माणमा हेलचेक्र्याई नगरी काम गर्नु पर्ने भएकाले परियोजना गुणस्तरिय वनाउनका लागि समितिलाई निर्देशन गरे ।
जनताको सहयोग विना कुनै पनि काम गर्न सफल नहुने भन्दै लेटाङ नगरप्रमुख राईले लेटाङ ८ का जनताको विकासमा सक्रियता प्रसंसायोग्य रहेको समेत समेत उल्लेख गरे ।