ज्ञानवहादुर जोगी
लेटाङ ८ मंसिर । लेटाङ नगरपालिका ९ त्रिवेणी चौकमा त्रिवेणी युवा क्लव स्थापनाका लागि शुभदिपावलीको अवरशरमा देखाईएको सांस्कृतिक कार्यक्रमको शुक्रवार एक कार्यक्रमका बिच सम्पन्न भएको छ ।
युवायुवतीहरुलाई सकारात्मक वाटोमा हिडाउन क्लवको आवश्यकता महशुस गरी क्लवलाई आधिकारीक रुपमा अगाडी वढाउन आर्थिक संकलन गर्ने उदेश्यले सांस्कृतिक कार्यक्रम गरिएको थियो । १ लाख ५० हजार जति संकलन गरिएको रकम ९० हजार जति खर्च भएको आयोजक समितिका अध्यक्ष तोरण राईले जानकारी दिए ।
कार्यक्रममा लेटाङ नगरपालिका ९ का वडा अध्यक्ष कृष्ण लुईटेल प्रमुख अतिथी रहनुभएको थियो । प्रमुख अतिथी लुईटेलले कार्यक्रममा वोल्दै सकारात्मक कार्यका लागि आफुले सहयोग गर्ने वताउनुभयो ।
कार्यक्रममा अस्थायी प्रहरी चौकी ईन्चार्ज सन्तोष सुव्वा , वडा सदस्य खेमराज ढकाल लगायतले सम्वोधन गर्नुभएको थियो ।