२६ चैत्र २०८१, बुधबार
Letang Khabar आइतबार, बैशाख ०२, २०७५
मोरङ, २ बैशाख । मोरङको बेलबारी नगेरपालिका ३ मा आइतबार पिकअप दुर्घटना भएको छ।
दुर्घटनामा परी १३ जना यात्री घाइते भएका छन।
घाइतेहरुको अवस्था सामान्य रहेको र उनीहरुको सामुदायिक अस्पताल वेलबारीमा उपचार भई रहेको छ।
घाइतेहुनेमा मोरङ बिराटनगर महानगरपालिका ५ बस्ने ४८ वर्षकी यशोधा निरौला, उनकी छोरा वर्ष १२ का रविन निरौला, मोरङ बेलबारी नगरपालिका ४ बस्ने ४५ वर्षकी धन रानी राई, सोही ठाउँकी २१ वर्षीया कमला लिम्बु, बेलबारी ७ बस्ने २७ वर्षका गणेश लिम्बु, सोही ठाउँकी २८ वर्षीया गंगा श्रेष्ठ, पथरी-शनिश्चरे नगरपालिका १४ बस्ने ३२ वर्षीया मैया झा, उनकी छोरी वर्ष ३ की अशिवन झा, बेलबारी ५ बस्ने ८५ वर्षीय लोकबहादुर ओली, मोतीपुर ४ बस्ने वर्ष २२ की निलम माझी, बलेबारी ५ बस्ने ५० वर्षीय पुष्टकला लिम्बु, सोही ठाउँकी ३८ वर्षीया विष्णु लिम्बु र सुन्दर-हरैचा नगरपालिका ४ बस्ने २५ वर्षीया अनिता विश्वकर्मा रहेका छन।
दिउँसो करिब २:३० बजेतिर बेलबारी ३ स्थित भित्री सडक खण्डमा पूर्वबाट पश्चिमतर्फ जादै गरेको को १ च ५९४३ नम्बरको पिकअप अचानका अनियन्त्रित हुँदा दुर्घटना भएको प्रहरीले वताएको छ ।
