प्रशान्त निरौला, लेटाङ १४ अशोज । लेटाङ कानेपोखरी सडक मर्मत कार्य पूनः सुरु भएको छ । सडकमा परेका खाल्डाखुल्डीका कारण सवारी यातायातमा समस्या भईरहेको वेला सडकवोर्डको सहयोगमा मर्मतको कार्य भईरहेको लेटाङ नगरपालिकाका प्रमुख शंकर राईले जानकारी दिनुभयो । असार अघिनै मर्मतको कार्य थालिएको भएपनि वर्षाका कारण केही समयका लागि रोकिएको थियो । लेटाङ देखि कानेपोखरीको सडकका विचमा सडक भत्किएर सवारी आवतजावतमा कठिनाइ सृजना भएपछि लेटाङ नगरपालिकाका प्रमुख शंकर राईले सडक वोर्डमा २५ सय स्क्वायर मिटर सडक मर्मतका लागि माग गर्नुभएको थियो । सडकवोर्डले समेत सडकको अध्ययन गरिसकेपछि गत आर्थिक वषको अन्तिम समयमा सडक मर्मतका लागि वजेट विनियोजन गरेको थियो ।
सडक मर्मतको कार्य सम्पन्न भएपछि पहिलेको कष्टकर यात्रा सहज हुनेछ ।