लेटाङ १ असोज । वोन क्यान्सर पिडित लेटाङ नगरपालिका ९ कि मनिषा लिम्बुलाई लेटाङ नगरप्रमुख शंकर राईले एकलाख पैतालिस हजार रुपैया हस्तान्तरण गर्नुभएको छ । कोरियामा रहेका नेपालीहरुवाट उठेको उक्त रकम क्यान्सरपिडित मनिषाको घरैमा पूगेर मेयर राईले मनिषाको परिवारलाई हस्तान्तरण गर्नुभएको हो ।
भोजपूरको होम्ताङमा जन्मेर हाल धरानमा वसोवास गर्दै आएका तथा रोजगारीको सिलसिलामा कोरियामा कार्यरत सुनिल वान्तवा राईको संयोजकत्वमा संकलन भएको उक्त रकम वान्तवाको परिवार सहित मेयर राईले हस्तान्तरण गर्नुभएको हो । रकम हस्तान्तरणको क्रममा नगरप्रमुख राईले मनिषाको स्वास्थ्य लाभको कामना व्यक्त गर्नुभयो । मनिषालाई नयाँ जीवन दिनका लागि सहयोग गर्ने सवै सहयोगीदातालाई नगरपालिकाको तर्फवाट धन्यवाद समेत दिनुभयो । रकम हस्तान्तरणका क्रममा लेटाङ नगरपािलका ३ का अध्यक्ष देवराज चाम्लिङ , लेटाङ नगरपालिकाका प्रेसु संयोजक प्रशान्त निरौला , एलएम च्यानलका रविन श्रेष्ठ, सहयोग रकम संकलन गरेर पठाउने सुनिल राईकी श्रीमती सगुन चेम्जोङ(राई) , समाजसेवी कालुराम लिम्बु , मिनाकुमारी लिम्बु लगायतको उपस्थिती रहेको थियो ।