प्रशान्त निरौला
लेटाङ ३० साउन । युवाहरुको खेललाई उजागर गर्ने उदेश्य सहित युवा तथा खेलकुद समन्वय समिति लेटाङ ८ मा गठन भएको छ ।
लेटाङ नगरपालिका ८ का वडा अध्यक्ष भिमप्रसाद पोख्रेलको अध्यक्षतमा वसेको भेलाले टंक चेम्जोङको अध्यक्षता युवा तथा खेलकुद समन्वय समिती गठन भएका हो । समितीको उपाध्यक्षमा आशा लिम्बु ,सचिवमा विनोद चेम्जोङ , सहसचिवमा ममता लिम्बु , सदस्यहरु त्रमशः निरकुमार राई , विकेश राई , डिल्ली कुमार राई ,दलकुमार लिम्बु , पञ्चनन राई , उमरजित राई रहेका छन् ।
समितिले लेटाङ ८ मा खेलकुदका गतिविधि गर्नका लागि कार्ययोजना वनाउन मद्धत गर्ने छ भने खेलक्षेत्रका दिर्घकालिन तथा अल्पकालिन योजना वनाएर कार्य गर्नेछ । लेटाङ ८ मा धेरै राष्टिय तथा अन्तराष्ट्रिय खेलाडि उत्पादन गर्नका लागि समितिले विभिन्न खेलकुदका गतिविधि समेत गर्नेछ । लेटाङ ८ मा राष्टिय स्तर सम्म खेल खेल्ने खेलाडीहरु उत्पादन भईसकेको र उनिहरुको संरक्षणको अभावमा खेल्न वञ्चित भईरहेको सन्दर्भमा यो समितिले त्यस्ता खेलाडिको संरक्षणमा पहल गर्नेछ ।