लेटाङ ३० साउन । लेटाङ ५ मा रहेको शिक्षा विकास माविका विद्यार्थीले वोन क्यान्सरको उपचार गराईरहेकी लेटाङ ९ वाह्रगोठेकी मनिषा लिम्बुको उपचारमा २ हजार ३ सय रुपैया सहयोग गरेका छन् । आज मनिषा वचाउ अभियानमा सहयोग संकलन गरिरहेकी लेटाङ लाईन्स क्लवकी अध्यक्ष शान्ति पाख्रीनको घरमा पूगि उक्त रकम विद्यार्थीहरुले मनिषाको उपचारका लागि दिएका छन् । टिफिनको खाजा खर्च वापतको पैसा जोगाएर उपचारमा सहयोग गरेको अभियानकी पाख्रिनले जानकारी दिईन । मनिषाको उपचार हाल भरतपूर क्यान्सर अस्पतामा भईरहेको छ ।