चैत्र २५, २०७४
धरान युथ एसोशियसनले आयोजना गरेको ‘छिमेकी साँझ २०१८’ मा चर्चित गायक सुगम पोखरेल, गायिका प्राश्ना शाक्य, उर्जा ब्याण्डका प्रशान्त शर्मा, रोशन शर्मा, बर्डस् ब्याण्डका बिजय कार्की, होप ब्याण्ड हङकङ, डान्सर योङनी राई लगायत स्थानिय प्रतिभाहरुको प्रस्तुती समेटिएको थियो ।
७ औँ पटक हङकङ पुगेका सुगमको चर्चित चलचित्र र पप गीतहरुले हलमा वान्समोर गुञ्जियो । कार्यक्रममा उर्जा ब्याण्डको रक प्रस्तुतीले पर्याप्त वाहवाही बटुल्यो । लगभग दशबर्ष पछि स्टेजमा उत्रिएका बर्डस् ब्याण्डका विजयको प्रस्तुतीले पनि खुबै तारिफ पायो ।
होलिडेकै अवसर पारेर एक्स गोर्खा रेष्टुरेन्ट एण्ड बारले आयोजना गरको ‘खुकुरी साँझ २०१८’ मा दर्जन बढि कलाकारहरुले आफ्नो प्रस्तुती मार्फत दर्शकहरुलाई नचाए । कार्यक्रममा नेपाल आईडलका टप ४ सागर आले, गायक राजु गुरुङ, सचिन राई, गायीका तृष्णा घर्ति मगर, संगिता लिम्बु, डान्सर प्रितिका थापा, स्थानिय प्रतिभा डान्सर कस्मिना गुरुङ् मनिष गुरुङका साथै खुकुरी डान्स टिमको आकर्षक खुकुरी नाच प्रस्तुत गरिएको थियो ।